ఎవరు నవ్వుల పాలయ్యారు?

ఒకప్పుడు ప్రముఖ పత్రికగా వెలిగిన పత్రిక వారు కూడా ఇప్పుడు ఇలాంటి చిల్లర పనులు చేస్తూ, చివరికి బ్లాగుల నుంచి కూడా సమాచారం దొంగలిస్తూ ఉంటే పెట్టిన హెచ్చరికలను తీసెయ్యాలని లేకుంటే మూర్ఖత్వానికి అందరూ నవ్వుకుంటారని ఎవరయ్యా నాకు చెప్పేది? కామెంట్ రాసేటప్పుడు కనీసం పేరు, ఊరు రాయడం కూడా తెలియదా? ఇప్పటివరకు ఎవరు నవ్వుల పాలయ్యారో అందరికీ తెలుస్తూనే ఉంది. హెచ్చరికలు పెట్టినందుకు నా పరువు పోతుందని మాట్లాడడం మూర్ఖత్వమే తప్ప మరేమి కాదు! మూడు చోట్ల కాదు వంద చోట్లా హెచ్చరికలు పెడతాను. నాకు సహృదయంతో ఉన్న పాఠకులే దేవుళ్ళు, కాపీరాయుళ్ళు రాక్షసులు. వికీపీడియా గురించి తెలుసుకొని మాట్లాడితే బాగుంటుంది. అది స్వేచ్ఛా విజ్ఞానసర్వస్వము అయీననూ అచ్చటి నుంచి కాపిచేసిననూ "వికీపీడియా సౌజన్యం" అని వ్రాయాల్సి ఉంటుంది. బొమ్మలకైతే అప్లోడ్ చేసిన వారిపేరు కూడా తప్పనిసరిగా ఇవ్వాల్సి ఉంటుంది. వికీపీడియా యొక్క ముఖ్య ఉద్దేశ్యం అందులోని సమాచారం ఎవరైనా చేర్చవచ్చు, ఉన్న సమాచారాన్ని మార్చవచ్చు, సమాచారం ఎవరైనా కాపీచేసుకోవచ్చు, ప్రచురించుకోవచ్చు, అమ్ముకోవచ్చు కూడా, కాని నా బ్లాగు లక్ష్యం అదికాదు. కేవలం పాఠకులు చదువుకోవడానికి మాత్రమే. అనుమతి లేకుండా కాపీచేయడానికి ఎవ్వరికీ హక్కులేదు. మూర్ఖంగా మాట్లాడితే నేనొప్పుకోను. జనరల్ నాలెడ్జికి కాపీరైట్ ఉండదనుకోవడమూ మూర్ఖత్వమే. బ్రిటానికా ఎన్‌సైక్లోపీడియాను కాపీచేసి కోర్టుల చుట్టూ తిరిగితే అప్పుడు తెలుస్తుంది. నా బ్లాగు నుంచి కాపీచేసి ఇప్పుడు చిల్లర జనరల్ నాలెడ్జి అంటే కాపీచేసిన వాళ్ళే చిల్లరగాళ్ళు అని ఒప్పుకున్నట్లే. కాపీచేసినప్పుడు గుర్తుకు రాని "చిల్లర" ఇప్పుడు గుర్తుకు వచ్చిందా? నా బ్లాగులో కేవలం వర్తమాన విషయాలు మాత్రమే ఉండవు. వర్తమాన విషయాలకు సంబంధం ఉన్న జనరల్ నాలెడ్జి సమాచారం కూడా ఉంటుంది. ఇప్పటికైనా మూర్ఖులెవరో తెలుసుకుంటే సరిపోతుంది.

ఇవి కూడా చూడండి ... ఆంధ్రప్రభ వారికి-1,   2,