జనవరి 2012-3 (January 2012-3)

ఈ ఏడాది పద్మవిభూషన్ అవార్డు ఎందరికి లభించింది-- ఐదుగురికి. గణతంత్ర దినోత్సవం సందర్భంగా పద్మ అవార్డులకు ఎంపికైన తెలుగువారి సంఖ్య-- ముగ్గురు. అశోక్ చక్ర అవార్డు ఎవరికి ప్రకటించబడింది-- నవదీప్ సింగ్. భారతీయ జనతా పార్టీ రాష్ట్ర అధ్యక్షుడు కిషన్ రెడ్డి పోరుయాత్ర ప్రారంభించిన గ్రామం-- కృష్ణ (మహబూబ్ నగర్ జిల్లా). ప్రభుత్వంచే నిషేధానికి గురైన ప్రముఖ అంతరిక్ష శాస్త్రవేత్త-- మాధవన్ నాయర్. ఐక్యరాజ్యసమితి ప్రధాన కార్యదర్శి ప్రత్యేక సలహాదారుగా నియమితుడైన భారతీయుడు-- విజయ్ నంబియార్. ఇటీవల వార్తల్లోకి వచ్చిన "రాణి అబ్బక్క" పేరు దేనికి సంబంధించినది-- భారత తీర రక్షణ నౌక. జనవరి 18న మరణించిన మహిళా నాదస్వర కళాకారిణి-- పున్నుతాయ్. ఇటీవల వార్తల్లోకి వచ్చిన భాగ్యం చమురు క్షేత్రం ఏ రాష్ట్రంలో ఉంది-- రాజస్థాన్. 2012 గణతంత్ర వేడుకలకు ముఖ్య అతిథిగా ఎవరు హాజరయ్యారు-- ఇంగ్లక్ షినవత్ర (థాయిలాండ్).

ఇవి కూడా చూడండి ... జనవరి 2012-1,   2,   4

విభాగాలు:  2012,

సూర్యభగవానుడు (Surya)

(రథసప్తమి సందర్భంగా) సూర్యభగవానుడు ఎవరి కుమారుడు-- అదితి, కశ్యప మహర్షి. సూర్యుడి జన్మవృత్తాంతం ఉన్న పురాణం-- భవిష్య పురాణం. సూర్యభగవానుడి ప్రాముఖ్యతను వివరించే వేదం-- అధర్వణ వేదం (సూర్యోపనిషత్తు). అరాణ్యవాస సమయంలో సూర్యుడిచే అక్షయపాత్ర పొందిన పాండవుడు-- ధర్మరాజు. సూర్యభగవానుడి రథానికి ఉండే గుర్రాల సంఖ్య-- 7. సూర్యభగవానుడు జన్మించిన దినం-- రథసప్తమి. పురాణాల ప్రకారం సూర్యుడు ఏ పర్వతం చుట్టూ ప్రయాణిస్తాడు-- మేరు పర్వతం. సూర్యుడు ఏ మంత్రానికి అధిపతి-- గాయత్రి మంత్రం. ఒరిస్సాలో ప్రముఖ సూర్యదేవాలయం ఎక్కడ కలదు-- కోణార్క్. ఆంధ్రప్రదేశ్‌లో సూర్యదేవాలయం ఉన్న క్షేత్రం-- అరసవల్లి (శ్రీకాకుళం జిల్లా).

విభాగాలు: హిందూమతము,

బాసర (Basara)

బాసర పుణ్యక్షేత్రం ఏ జిల్లాలో ఉన్నది-- ఆదిలాబాదు జిల్లా. బాసరలో ఉన్న ప్రముఖ దేవాలయం-- సరస్వతీ దేవాలయం. బాసర ఏ మండలంలో ఉంది-- ముధోల్ మండలం. బాసరలో సరస్వతీ దేవిని ప్రతిష్టించినది-- వ్యాసమహర్షి. బాసర అసలు నామం-- వాసర (తర్వాత వ్యాసర). ఎవరి పేరుమీదుగా వ్యాసర పేరు వచ్చింది-- వ్యాసుడు. బాసర ఏ నది తీరాన ఉంది-- గోదావరి నది. బాసర సరస్వతీ దేవాలయం ప్రత్యేకత-- ఆంధ్రప్రదేశ్‌లోని ఏకైక జ్ఞానసరస్వతీ దేవాలయం (ప్రముఖ గ్రంథాల ప్రకారం). బాసర రైల్వేస్టేషన్ ఏ మార్గంలో ఉంది-- సికింద్రాబాదు నుంచి మన్మాడ్ సెక్షన్‌లో. బాసరలో ధ్వంసమైన దేవాలయాన్ని పునర్మించిన భక్తుడు-- మక్కజ్‌పట్.

విభాగాలు: హిందూమతము,   గోదావరి నది,    ఆదిలాబాదు జిల్లా,

యానాం (Yanam)

యానాం ఏ కేంద్రపాలిత ప్రాంతంలో భాగము-- పుదుచ్చేరి (పాండిచ్చేరి). యానాం ఏ నదీ డెల్టాలో ఉన్నది-- గోదావరి నది. యానాం ఏ సముద్రతీరాన ఉంది-- బంగాళాఖాతం. భౌగోళికంగా యానాం ఆంధ్రప్రదేశ్‌లోని ఏ జిల్లాలో ఉంది-- తూర్పు గోదావరి జిల్లా. యానాం సమీపంలోని నగరము-- కాకినాడ. యానాం భారతదేశంలో ఎప్పుడు విలీనమైంది-- 1954. 1954కు ముందు యానాం ఎవరి అధీనంలో ఉండేది-- ఫ్రెంచి యానాంను ఫ్రెంచివారు ఎప్పుడు ఆక్రమించారు-- 1723. యానాం సమీపంలోని వన్యమృగ సంరక్షణ కేంద్రం-- కోరింగ. యానాం గుండా వెళ్ళు జాతీయ రహదారి-- NH-214.

విభాగాలు:  పుదుచ్చేరి,   గోదావరి నది,   1954,